السلام عليكم ورحمة الله وبركاته
میری عمر چھ ماہ تھی کہ میری والدہ فوت ہو گئیں اور میری دادی نے میری تربیت کی‘ انہوں نے مجھے گائے کا دودھ پلایا‘ لیکن کبھی کبھی مجھے بہلانے کیلئے وہ اپنا پستان بھی میرے منہ میں دے دیتیں تھیں جبکہ اس میں دودھ بھی نہیں ہوتا تھا ‘ کیا اس صورت میں میرے لئے اپنے چچا یا پھوپھیوں کی بیٹیوں سے شادی کرنا جائز ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
آپ کی دادی اس وقت چونکہ بڑی عمر کی تھیں‘ حیض اور ولادت سے نامید ہو چکی تھیں‘ ان کے پستان بھی خشک تھے اور ان میں دودھ نہیں تھا اور انہوں نے جب پستان آپ کے منہ میں ڈالا تو اس وقت بھی اس سے دودھ نہ نکلا اور انہوں نے محض آپ کو بہلانے کیلئے اور رونے سے چپ کروانے کیلئے ایسا کیا تو ان حالات میں آپ کیلئے اپنے چچا کی بیٹیوں سے شادی کرنا جائز ہے کیونکہ شادی سے مانع کوئی قرابت نہیں اور نہ ہی کوئی مؤثر رضاعت ثابت ہے۔
ھذا ما عندي والله أعلم بالصواب
