السلام عليكم ورحمة الله وبركاته
کیا ایسی لڑکی سے شادی کرنا میرے لئے حلال ہے جس کی بڑی بہن میرے چھوٹے بھائی کی رضاعی بہن ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
بھائی کی رضاعی بہن سے نکاح کرنے میں کوئی حرج نہیں جبکہ صرف آپ کے بھائی نے اس کی ماں کا دودھ پیا ہو، لیکن آپ نے اس کا دودھ نہ پیا ہو اس طرح اگر دودھ پینے والی اس لڑکی کی بہن ہے جس نے آپ کی والدہ کا دودھ پیا ہے تو پھر بھی اس لڑکی سے نکاح کرنا حلال ہے اور اس کی بہن نے آپ کی والدہ کا جو دودھ پیا ہے یہ آپ کے لئے نقصان دہ نہیں ہے اور نہ آپ کے بھائی کا اس کی ماں کا دودھ پینا آپ کے لئے نقصان دہ ہے۔
ھذا ما عندي والله أعلم بالصواب
