السلام عليكم ورحمة الله وبركاته
ایک آدمی کا بیان ہے کہ اس نے اپنی گائے ایسے شخص کے ہاتھ فروخت کی جسے وہ جانتا بھی نہیں مگر گائے خریدار کے گھر سے بھاگ کر واپس اس کے گھر آ گئی، یہ آدمی چونکہ خریدار کو جانتا نہیں تھا لہٰذا اس نے وہی گائے کسی اور کو فروخت کر دی اور اس کی قیمت کھا لی۔ سوال یہ ہے کہ اب اسے کیا کرنا چاہیے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
یہ گائے جس میں سائل نے سوال میں مذکور تصرف کیا ہے، لقطہ کے حکم میں ہے اور جب کہ اس شخص نے وہ گائے بیچ کر اس کی قیمت بھی کھا لی ہے تو اسے چاہیے کہ بازاروں اور لوگوں کے مجموں میں ایک سال تک اس کا اعلان کرتا رہے، اگر مالک آ جائے تو اسے صورت حال بتائے اور گائے کی وہ قیمت اس کے سپرد کر دے جس میں اس نے گائے بیچی ہے اور اگر وہ نہ آئے تو اس قیمت کو اس نیت سے صدقہ کر دے کہ اگر اس نے مالک کو پہچان لیا تو یہ اسے ساری صورت حال بتائے اگر اس نے وہ صدقہ خوشی سے تسلیم کر لیا تو درست ورنہ اس شخص کو اپنی طرف سے گائے کی قیمت ادا کرنا پڑے گی۔
ھذا ما عندي والله أعلم بالصواب
