جب امام جہری نماز میں قرات کرتے ہوئے ایسی غلطی کرے کہ ایک آیت ہی ساقط کردے یا آیت کا کوئی جزءساقط کردے یاغلطی سےآیت کے لفظ کو بدل دے یا اس طرح کی کوئی اورغلطی کرے تو کیا مقتدی کے لئے لقمہ دینا واجب ہے؟
جب امام قرات میں غلطی کرے کہ کوئی آیت ساقط کردےیا اس میں لحن کرے تو مقتدی کے لئے ضروری ہے کہ اسے لقمہ دے اوراگر غلطی یا لحن سورہ فاتحہ میں ہوتومقتدی کے لئے لقمہ دینا واجب ہے۔کیونکہ سورہ فاتحہ پڑھنا نماز کا رکن ہے۔ہاں!البتہ اگرلحن سے معنی میں تبدیلی نہ آتی ہوتو پھر لقمہ دینا واجب نہیں ہے ۔مثلا الرَّحْمَـٰنِ یا الرحیم پرنصب پڑھ لے۔
