ہمارے لئے اس جگہ کی تحدید فرمائیں جہاں طواف کی دو رکعتیں پڑھی جاتی ہیں؟
طواف کے بعد کی دونوں رکعتوں کے لیے مسنون یہ ہے کہ مقام ابراہیم کے پیچھے ادا کی جائیں اس طرح کہ مقام ابراہیم کو کعبہ شریف اور اپنے بیچ کر لیا جائے۔ مقام ابراہیم کے جتنے نزدیک ہو اتنا افضل ہے لیکن اگر نزدیک جگہ میسر نہ ہو اور دور ہٹ کر کہیں بھی یہ دو رکعتیں پڑھ لے تو بھی کافی ہے۔ غرض مقام ابراہیم اس کے اور بیت اللہ شریف کے درمیان ہو اور اگر یہ بھی میسر نہ ہو تو مسجد حرام میں جس جگہ بھی پڑھ لے اس میں بھی کوئی حرج نہیں ہے۔
