السلام عليكم ورحمة الله وبركاته
ایک مسجد کا امام بعد نماز فرض کے دونوں ہاتھ اٹھا کر دعا مانگا کرتا ہے۔ بعض لوگ آمین کہتے ہیں۔ بعض دعا ہی نہیں مانگتے۔ جو دعا نہیں مانگاکرتے وہ کہتے ہیں۔ بعد فرض کے ہاتھ اٹھا کردعا مانگنا بدعت ہے۔ ایسے کے پیچھے نماز جائز نہیں کہتے ہیں۔ اب سوال یہ ہے کہ بعد فرض نماز کے ہاتھ اٹھا کر دعا مانگنا ثابت ہے یا بدعت ہے ۔ ؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
بعد نماز فرض ہاتھ اٹھا کر دعا مانگنے کازکر دو روایتوں میں آیا ہے۔ جن کو حضرت میاں صاحب۔ دہلوی۔ نے اپنے فتوے میں نقل کیا ہے۔ گو وہ ضعیف ہیں مگر ضعیف حدیث کے ساتھ بھی جو فعل ثابت ہو وہ بدعت نہیں ہوتا ایسا تشدد کرنا اچھا نہیں۔
ھذا ما عندي والله أعلم بالصواب
