کیا فرماتے ہیں علمائے دین اس مسئلہ میں کہ عیدین کی نماز مسجد میں پڑھنا جائز ہے یا نہیں اگر ناجائز ہے تو مسجد میں عیدین کی نماز ادا کرنے والے کو بدعتی کہ سکتے ہیں یا نہیں اور مسجد میں عیدین کی نماز ادا کرنا بدعت ہے یا نہیں اور اگ رجائز ہے تو میدان و مسجد میں کیا فرق ہے اور کون افضل ہے۔ ؟
عیدین کی نماز بالعذر مسجد میں پڑھنا جائز ہے جیسا کہ حدیث سے ابو داؤد وغیرہ کے معلوم ہوتا ہے کہ بدون عذر کے رسول اللہﷺ سے پایا نہیں گیا مسجد میں جو لوگ عیدین کی نماز اداکرتے ہیں وہ البتہ تارک السنت ہیں بدعتی نہیں کہے جاسکتے کیونکہ ایک بار آنحضرتﷺ سے بالعذر پایا گیا ہے و نیز حضرت علیؓ نے بورھے و ضعیف وغیرہ کے واسطے مسجد میں پڑھنے کی اجازت دی تھی میدان میں پڑھنا سنت ہے جیسا کہ احادیث سے معلوم ہوتا ہے۔لہٰذا میدان میں پڑھنا اولیٰ و افضل ہوگا حضرت علیؓ فرماتے ہیں کہ اگر میدان میں پڑھنا سنت نہ ہوتا تو میں مسجد میں پڑھتا۔لولا[1] انہ السنۃ فضلیت فی المسجد ھکذا فی سبل السلام۔ واللہ اعلم ، حررہ السید محمد عبدالحفیظ (سید محمد نذیر حسین)
