ہم لوگ حنفی مذہب کے ہیں، لہٰذا فقہ کی کتابوں سے بتائیں کہ اگر کنویں کا سارا پانی نکالنا مشکل ہو تو کیا کیا جائے؟
اس صورت میں امام محمد کے قول پر عمل کرلیا جائے، وہ کہتے ہیں کہ دو سو ڈول لازمی طور پر نکالے جائیں اور اگر تین سو ڈول نکالیں تو بہتر ہے اورفتوے اسی روایت پر ہے۔ شاہ عبدالعزیز صاحب رحمۃ اللہ علیہ نے بھی ملتقی الابحر میں ایسا ہی فتوی دیا ہے اور در مختار میں بھی ایسا ہی ہے۔ واللہ اعلم۔
