السلام عليكم ورحمة الله وبركاته
فرائض ۔ شرائط اور سنن میں کیا فرق ہے ؟ محمد حسن عسکری کراچی
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
:(۱) فرض کا معنی: ’’فَالْوَاجِبُ فِی الْاِصْطِلاَحِ مَا یُمْدَحُ فَاعِلُہُ وَیُذَمُّ تَارِکُہُ عَلٰی بَعْضِ الْوُجُوْہِ وَیُرَادِفُہُ الْفَرْضُ عِنْدَ الْجُمْہُوْرِ انتہی مقتصراً‘‘ 1۔ تو واجب اصطلاح میں اس چیز کو کہتے ہیں جس کو کرنے والا ممدوح (ثواب پانے والا) اور چھوڑنے والا مذموم (گناہ پانے والا) ہو بعض صورتوں میں اور فرض اکثر کے ہاں واجب کا مترادف اور ہم معنی ہے۔
(۲) شرط کا معنی : ’’وَحَقِیْقَةُ الشَّرْطِ ہُوَ مَا کَانَ عَدَمُہُ یَسْتَلْزِمُ عَدَمَ الْحُکْمِ‘‘ 2 شرط وہ چیز ہے جس کے نہ ہونے سے حکم کا نہ ہونا لازم آئے الخ
(۳) سنت کا معنی : ’’وَالْمَنْدُوْبُ مَا یُمْدَحُ فَاعِلُہُ وَلاَ یُذَمُّ تَارِکُہُ ، وَیُقَالُ لَہُ : مُرَغَّبٌ فِیْہِ وَمُسْتَحَبٌ وَنَفْلٌ وَتَطَوُّعٌ وَاِحْسَانٌ وَّسُنَّةٌَ ۔ انتہی مقتصرا‘‘ 3 اور مندوب وہ ہے جس کو کرنے والا ممدوح (ثوابپانے والا) ہو اور چھوڑنے والا مذموم (گناہ پانے والا) نہ ہو اس مندوب کو مرغب فیہ ، مستحب ، نفل، تطوع ، احسان اور سنت بھی کہا جاتا ہے۔
ھذا ما عندي والله أعلم بالصواب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1ارشاد الفحول الفصل الثانی فی الاحکام2ارشاد الفحول الفصل الثانی فی الاحکام3ارشاد الفحول
نوٹ : فرض ، شرط اور سنت کے مذکورہ بالا معانی سے ان تینوں کا باہمی فرق واضح ہے۔
