السلام عليكم ورحمة الله وبركاته
: قیامت کے روز انسان ماں کے نام سے اٹھایا جائے گا یا باپ کے نام سے ؟ حافظ محمد فاروق
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
قرآن مجید میں ہے: {یَوْمَ نَدْعُوْا کُلَّ أُنَاسٍ بِإِمَامِہِمْ فَمَنْ أُوْتِیَ کِتَابَہٗ بِیَمِیْنِہٖ فَأُوْلٰٓئِکَ یَقْرَأُوْنَ کِتَابَہُمْ وَلاَ یُظْلَمُوْنَ فَتِیْلاً} 3 [جس دن ہم بلائیں گے تمام لوگوں کو ان کے عمل نامہ کے ساتھ سو جس کو ملا اس کا اعمال نامہ اس کے داہنے ہاتھ میں سو وہ لوگ پڑھیں گے اپنا اعمال نامہ اور ظلم نہ ہو گا ان پر ایک دھاگے کا] تو لوگ قیامت کے روز اپنے اپنے اعمال ناموں کے ساتھ بلائے جائیں گے ۔ [صحیح بخاری میں ہے {عَنِ النَّبِیّ صلی الله علیہ وسلم قَالَ: إِنَّ الْغَادِرَ یُرْفَعُ لَہُ لِوَائٌ یَوْمَ الْقِیَامَۃِ یُقَالُ ہٰذِہ غَدْرَۃُ فُلاَنِ بْنِ فُلاَنٍ} رسول اللہ صلی الله علیہ وسلم نے فرمایا : کہ خائن کے لیے قیامت کے دن جھنڈا اٹھایا جائے گا اور کہا جائے گا کہ یہ فلاں بن فلاں کی خیانت ہے۔ اس حدیث پر امام بخاری نے باب قائم کیا ہے بَابُ مَا یُدْعٰی النَّاسُ بِاٰبَائِہِمْ یعنی قیامت کے دن باپ کے نام سے پکارا جائے گا4]
ھذا ما عندي والله أعلم بالصواب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
13 [الاسرآء ۷۱ پ۱۵]4[کتاب الادب ح ۶۱۷۷]
ماخذ:مستند کتب فتاویٰ
