کیا نماز فرض کے بعد تسبیح تہلیل، تمجید یاکوئی اور وظیفہ پڑھ کر بدن پر پھونکنا جائز ہے؟
ہاں جائز ہے مگر مسنون نہیں بعض اکابر سے اس کا ثبوت ملتا ہے۔ اہل حدیث سوہدرہ جلد ۴ ش ۲۷ ۔
حدیث حضرت عائشہ میںآیا ہے کہ حضرت ہر رات جب بستر پر آتے ہر دو کف دست جمع کرکے معوذات کو مع اخلاص پڑھ کر دم کرتے پھر جہاں تک ہوسکتا بدن پر ہاتھ پھیرتے سر اور منہ سے شروع کرتے تین بار اسی طرح کرتے۔ (متفق علیہ) اسی طرح جب بیمار ہوتے تو معوذات کو پڑھ کر اپنے اوپر دم کرتے (ابن ماجہ شریف ص ۲۶۰)۔ اس حدیث سے معلوم ہوا کہ وظیفہ معوذات پڑھ کر اپنے اوپر دم پھونکنا مسنون ہے اگرچہ نماز فرض کاذکر نہیں۔ ہذا ما عندی واللہ اعلم بالصواب وعندہ علم الکتاب الراقم علی محمد سعیدی خانیوال
