صبح کے وقت تحیۃ المسجد پڑھے یا نہ؟
بلوغ المرام باب المواقیت میں ہے۔
عَنِ ابْنِ عُمَرَ انَّ رَسُوْلَ اللّٰہِ ﷺ قَالَ لَا صَلٰوۃَ بَعْدَ الْفَجْرِ اِلاَّ سَجْدَتَیْنِ۔ اخرجہ الخمسۃ الا النسائی وفی روایۃ عبدالرزاق لَا صَلٰوۃَ بَعْدَ طُلُوْعِ الْفَجْرِ اِلاَّ رَکْعَتِیْ الْفَجَرْ وَمِثْلُہٗ للدارقطنی عن عمرو بن العاص ص۲۷
یعنی ابن عمر رضی اللہ عنہ سے روایت ہے رسول اللہﷺ نے فرمایا: پَو پھٹنے کے بعد کوئی نماز نہیں، مگر دو رکعت فجر یعنی سنتیں۔ اس حدیث سے معلوم ہوا کہ پو پھٹنے کے بعد تحیۃ المسجد درست نہیں۔ جیسے طلوع و غروب آفتاب کے وقت نماز درست نہیں۔ عبداللہ امرتسری روپڑی
(فتاویٰ اہل حدیث ص ۷۶، ۲)
