جمعۃ المبارک کی فضیلت
حضرت ابوہریرہ رضی اللہ عنہ کی روایت میں ہے آنحضرتﷺ نے فرمایا: جمعہ کے دن فرشتے مسجد کے دروازے پر کھڑے ہو جاتے ہیں۔ اور آنے والوں کو درجہ بدرجہ لکھتے رہتے ہیں۔ سب سے اول آنے والے کی مثال ایسے ہے جیسے کسی نے اونٹ کی قربانی دی ہو اور اس کے بعد آنے والے علی الترتیب گائے، مینڈھا، مرغی اور انڈے کا ثواب پاتے ہیں۔ جب امام خطبہ کے لیے نکلتا ہے۔ تو وہ اپنے دفاتر بند کرکے ذکر اللہ سننے میں مشغول ہو جاتے ہیں۔ (بخاری، مسلم)
اس تمثیل سے مراد یا تو یہ ہے کہ جیسے اونٹوں اور گائے کے چرواہوں میں مراتب کا فرق ہے۔ اسی طرح ان میں فرق ہے۔ یا یہ کہ اگر ثواب مجسم ہوں (جیسے قیامت کو ہوں گے) تو پہلے کو اونٹ کا وزن اور دوسرے کو گائے کا ملے گا۔ علی ہذالقیاس۔ یہ فرشتے کراماً کاتبین کے علاوہ ہیں۔ وگرنہ کراماً کاتبین کبھی دفتر بند نہیں کرتے۔
فقط عبدالرشید اظہر
مدرس جامعہ سعیدیہ خانیوال
