شہداء کی لاش کو قبر میں مٹی یا دیمک وغیرہ کھاتی ہے یا نہیں؟
شہید کے جسموں کے متعلق قرآن و حدیث میں تشریح نہیں آئی کہ ان کو قبر میں مٹھی کھاتی ہے یا نہیں، البتہ انبیاء کے اجساد کے متعلق حدیث میں تصریح آئی ہے۔ ((اِنَّ اللّٰہَ حَرَّمَ عَلَی الْاَرْضِ اَنْ تَأْکُلَ اَجْسَادَ الْاَنْبیائ)) (ابن ماجہ باب ذکر وفات النبی ﷺ ودفنہ) ’’یعنی اللہ تعالیٰ نے انبیا ء کے جسموں کو زمین پر حرام کر دیا ہے کہ وہ ان کو کھائے۔‘‘ہاں بعض واقعات اس قسم کے پائے گئے ہیں کہ بزرگوں کی لاش کو مٹی نے نہیں کھایا جن میں بعض شہید ہیں اور بعض غیر شہید۔
(عبد اللہ امرتسری روپڑی) (فتاویٰ اہل حدیث جلد ۲ ص ۴۹۲)
