السلام عليكم ورحمة الله وبركاته
ہم دیہات میں رہتے ہیں، ۲۹ رمضان کو ابر ہو گیا۔ نہ چاند دکھائی دیا۔ نہ کہیں سے اطلاع آئی۔ کیونکہ یہاں رسل و رسائل کا کوئی ذریعہ نہیں۔ ہم نے روزہ رکھ لیا مگر بعد میں معلوم ہوا کہ آج کے روز عید ہو گی کیا ایسی صورت میں ہم گناہ گار تو نہیں ہوئے۔
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
نہیں آپ پر کوئی الزام نہیں۔ حضور کا ارشاد ہے کہ ہر بستی کا مطلع اپنا اپنا ہے، کوئی کسی کا مکلف نہیں ہے، یہی سہولت بہم پہنچاتا ہے۔
(اخبار اہل حدیث سوہدرہ جلد ۸ شمارہ ۳۵) (۱۰ صفر المظفر ۱۳۷۶ھ)
ھذا ما عندي والله أعلم بالصواب
