السلام عليكم ورحمة الله وبركاته
کیا زکوٰۃ بعد ختم سال فوراً ادا کر دی جائے یا بتدریج موقعہ بموقعہ مستحقین کے ملنے پر بھی دے سکتے ہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
دونوں طرح جائز ہے: ((وَاللّٰہُ یَعْلَمُ الْمُصْلِحْ)) (اہل حدیث ۲۹ رجب ۱۳۴۷ھ)
شرفیہ:… زکوٰۃ کا مال بعد سال گزرنے کے مستحقین فقراء و مساکین وغیرہ کا ہے، اور ملک کے پاس وہ بطور امانت ہے، اور فرمان باری ہے:
﴿اِنَّ اللّٰہَ یَامُرُکُمْ اَنْ تؤدُّوْا لَامَانَاتِ اِلیْ اَھْلِھَا﴾
پھر جب فقراء و مساکین مستحقین بھی ہوں، اور وہ تاخیر نہی چاہتے ہوں تو پھر تاخیر جائز نہیں ہے، ورنہ جائز ہے، پھر خصوصاً قرب و جوار کو چھوڑ کر بہت دیر یعنی سال بھر تک منتظر رہنا جائز نہیں ہے۔ (ابو سعید شرف الدین دہلوی) (فتاویٰ ثنائیہ جلد اول ص۴۷۸)
ھذا ما عندي والله أعلم بالصواب
