السلام عليكم ورحمة الله وبركاته
میں حج کو گیا، مگر افسوس وہاں میرا طواف افاضہ نہ ہو سکا اور پاکستان آگیا، میرا حج ہوا یا نہ اور اس کا تدارک کیا ہے، بیمار ہوں، غریب ہوں۔ (عبدالقادر سرائے سدھو ملتان)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
یوم عرفات کے بعد طواف افاضہ بے حد ضروری ہے اور حج کا ضروری رکن ہے، طواف افاضہ رہ جانے سے حج مکمل نہیں ہو سکتا، دوبارہ حج کرنا پڑے گا، انتظام ہونے تک خدا سے معافی مانگتے رہیں۔ (ماہنامہ قوانین فطرت جلد ۶ شمارہ ۱۲ ص ۱۳)
ھذا ما عندي والله أعلم بالصواب
