جس چیز کا نرخ زمانہ گزشتہ میں ارزا ں تھا۔اور اب وہ موجودہ زمانے میں نرخ گراں ہے تو کیا مشتری کو یہ حق شرعاً حاصل ہے۔کہ بائع کو مجبور کرے کہ بموجب نرض زمانہ گزشتہ ارزاں فروخت کرو۔اگر بائع اس کو نامنظور کرے۔تو اس کو ہر طرح سے ضرر پہنچانے کی کوشش کریں گے۔؟
حدیث شریف میں آیا ہے۔کہ صحابہ کرام نے عرض کیاحضورﷺ آپ نرخ مقرر کردیں۔لوگ کم و بیش دیتے ہیں۔آپ ﷺ نے فرمایا!میں کسی پر ظلم کرنا نہیں چاہتا۔اللہ کے اختیار میں ہے۔گزشتہ بھائو پر بیچنے کیلئے نہ کوئی مجبور کر سکتا ہے۔نہ ہو سکتا ہے۔جو کرے وہ بموجب حدیث سراسر ظلم ہے۔
(فتاوی ثنائیہ جلد 2 صفحہ 439)
