السلام عليكم ورحمة الله وبركاته
اگر دس یا پندرہ یا بیس سیر دودھ یا شربت یا گھی گرم شہد میں ناپاکی پڑ جائے تو کیا سب خراب تصور ہو گا یا کیسے کیا جائے۔ قرآن و حدیث سے جواب دیا جائے۔
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
حدیث شریف میں آیا ہے اگر گھی گرم میں چوہا پڑ جائے تو اس کے نزدیک نہ جائو، چنانچہ حدیث شریف کے الفاظ یہ ہیں:
«وان کان مائعاً فلا تقربوہ» (ابو داؤد شریف)
’’اگر پگھلا ہوا (گھی ہو) تو اس کے نزدیک نہ جاؤ، یہی حکم شربت اور دودھ کا ہے۔‘‘(فتاویٰ ثنائیہ جلد اوّل ص ۳۰۱)
(الجواب صحیح: علی محمد سعیدی جامعہ سعیدیہ خانیوال مغربی پاکستان)
هٰذا ما عندي والله أعلم بالصواب
