میرے پاس قمیض، پائجامہ، کوٹ وغیرہ ہے گرمی کی وجہ سے ایک رومال اوڑھ کر اور پائجامہ پہن کر نماز پڑھاتا ہوں۔ نصف حصہ پیٹ کا اور ناف کے نیچے چار انگل اور کبھی دو انگلی کھلا رہتا ہے۔ ایسی حالت میں نماز ہوتی ہے یا نہیں؟
ستر کی جگہ کو ڈھانپ کر نماز پڑھے تو نماز ہو جائے گی، مگر افضل یہ ہے کہ کپڑے پہن کر نماز پڑھے، کیونکہ آنحضرت صلی اللہ علیہ وسلم کا زیادہ عمل اسی پر رہا ہے۔ واللہ اعلم! (۲۰ دسمبر ۱۹۳۷ء، فتاویٰ ثنائیہ جلد نمبر ۱ ص ۳۳۳)
