السلام عليكم ورحمة الله وبركاته
اللہ تعالیٰ نے قرآن میں فرمایا ہے کہ ہم نے زمین وآسمان کو چھ دن میں بنایا تو چھ دن سے کیا مراد ہے؟ (سائل)( ۲۰ ۔اپریل۲۰۰۷ء)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
چھ دنوں میں اختلاف ہے۔ ایک قول میں دنیا کے دن مراد ہیں جب کہ دوسرے قول میں آخرت کے دن مقصود ہیں۔ مجاہد کا قول یہی ہے۔ (فتح القدیر شوکانی ۴/ ۵۰۸)
’ قِیْلَ هٰذِهِ الاَیَّامُ مِنْ اَیَّامِ الدُّنْیَا وَ قِیْلَ مِنْ اَیَّامِ الْآخِرَة‘ (زبدة التفسیر، ص:۲۰۱)
حقیقت حال اللہ بہتر جانتا ہے لیکن ظاہر دنیاوی دن ہیں کیوں کہ قرآن عربوں کے فہم کے مطابق نازل ہوا ہے۔
ھذا ما عندي والله أعلم بالصواب
