اگر امام قرأۃ میں بھول جائے تو اسے لقمہ دینا جائز ہے یا نہیں؟ احناف کہتے ہیں اگر امام تین آیت سے آگے بڑھ جائے تو لقمہ دینا جائز نہیں۔ اگر امام لقمہ لے گا تو نماز فاسد ہو جائے گی۔
امام کو لقمہ دینا جائز ہے احناف کا یہ قول شرح وقایہ میں ہے بلا دلیل ہے اس کے لیے قال قبول نہیں۔ ابو داؤد میں لقمہ دینے کے متعلق کئی حدیثیں موجود ہیں جس کے تحت صاحب عون العبود نے بالتحقیق یہ ثابت کیا ہے کہ لقمہ دینا احادیث صحیحہ سے ثابت ہے اور ممانعت کی کوئی روایت بھی نہیں۔
(اہل حدیث سوہدرہ جلد نمبر ۵ شمارہ نمبر ۴۸)
