السلام عليكم ورحمة الله وبركاته
گائے ،بکری یا بھینس کے ذبح کے کرنے کے وقت ان کے پیٹ سے اگر مردہ بچہ برآمد ہو تو وہ کس زمرے میںآئے گا ؟ حلال یا حرام؟(ڈاکٹر حق نواز قریشی، راولپنڈی) (۵جولائی ۲۰۰۲ء)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
ذبح کے وقت جانور کے پیٹ سے مردہ پیدا ہونے والا بچہ حلال ہے۔
’’سنن ابی داؤد‘‘ میں حدیث ہے:
’زَکَاةُ الْجَنِیْنِ زَکَاةُ اُمِّهٖ۔‘ (سنن أبی داؤد،بَابُ مَا جَاء َ فِی ذَکَاةِ الْجَنِینِ،رقم:۲۸۲۸)
’’جس ذبح سے ماں حلال ہوئی اس کے بالتبع بچہ بھی حلال ہو گیا۔‘‘
تفصیل کے لیے ملاحظہ ہو: (عون المعبود:۶۳/۳)
ھذا ما عندي والله أعلم بالصواب
