وضوء کر کے سگریٹ پینے سے وضوء ٹوٹ جاتا ہے یا نہیں؟
_____________________________________________________
الاعتصام جلد :۵۴، شمارہ : ۳۵ مؤرخہ ۲۷جمادی الثانیہ ص:۱۲؍۱۲۳۳ کالم نمبر ۱، میں حافظ ثناء اللہ صاحب مدنی لکھتے ہیں:’’میرے خیال میں الکحل والی دوائی کے استعمال کے بعد دوبارہ وضوء کرنا چاہیے کیونکہ مستی اور بے ہوشی ناقض وضوء ہے خواہ کسی نشہ آور چیز سے ہو نیند سے ہو یا مرض سے بے ہوشی ہونے پر وضوٹوٹ جائے گا ان اشیاء کے ناقض وضوء ہونے پر علما کا اتفاق ہے۔(شرح مسلم نووی :۴؍۷۴) علامہ شوکانی نے ان اشیاء کو نیند پر قیاس کیا ہے۔(السیل الجرار:۱؍۹۶)معلوم ہے کہ حقہ ، سگریٹ، تمباکو اور نسوار وغیرہ بھی مسکرات میں شامل ہیں تو ان کا حکم بھی الکحل والا ہے یاد رہے تمام مسکرات حرام ہیں۔
