السلام عليكم ورحمة الله وبركاته
استخارہ کی نماز میں کون سی آیتیں پڑھنی چاہیے اور یہ نماز کس طرح پڑھی جاتی ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
استخارے کے لیے کوئی مخصوص آیتیں نصِ صریح میں وارد نہیں ہیں۔
نمازِ استخارہ کا درست طریقہ یہ ہے، کہ نفلی دو رکعتیں پڑھی جائیں۔ تشہد کے اخیر میں یا سلام پھیر کر مشہور دعا ’اَللّٰهُمَّ إِنِّی أَستَخِیرُكَ بِعِلمِكَ…الخ‘(صحیح البخاری ،بَابُ الدُّعَاءِ عِندَ الِاستِخَارَةِ، رقم:۶۳۸۲،سنن ابن ماجه،بَابُ مَا جَاءَ فِی صَلَاةِ الِاستِخَارَةِ،رقم:۱۳۸۳) پڑھیے اور جو ضرورت در پیش ہو۔
اثنائے دعا میں اس کا نام بھی لیں۔ پھر جس کام پر شرح صدر حاصل ہو، وہ کر گزریں۔ خواب آنے کا کوئی مسئلہ نہیں۔ جس طرح کہ عوام کا اعتقاد ہے۔ تفصیل کے لیے ملاحظہ ہو!(فتح الباری:۱۰/ ۱۸۳ تا ۱۸۷)
ھذا ما عندي والله أعلم بالصواب
