السلام عليكم ورحمة الله وبركاته
کیا مقتدی امام کے مصلّٰی پر سنتیں پڑھ سکتا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
بعد از جماعت مصلّٰیٔ امامت پر کھڑے ہو کر مقتدی کے لیے سنتیں یا نوافل پڑھنے میں کوئی حرج نہیں، کسی حدیث میں ممانعت وارد نہیں۔ اصل بات یہ ہے کہ مسجد کے ہر حصے پر نما زی کے لیے نماز پڑھنا مباح ہے، جس میں جائے امامت یا مصلّٰیٔ امامت بھی شامل ہے۔ ہاں البتہ مشاہدہ ہے کہ بعض لوگوں کے نزدیک جائے نماز سے زیادہ مفروش ( مصلّٰی) کی تعظیم ہے۔ جب تک مصلیٰ بچھا رہے عظمت قائم ہے۔ جب اٹھا لیا تو کوئی بھی اس جگہ کی پرواہ نہیں کرتا ۔گویا کہ ان جہلاء کے نزدیک اصل عزت مفروش دری وغیرہ کی ہے، نہ کہ جائے اِمامت کی۔ یہ ایک لا یعنی فعل ہے ۔ شرع میںاس کی کوئی دلیل نہیں۔
ھذا ما عندي والله أعلم بالصواب
