ہماری مسجد سہ منزلہ ہے۔ حسب موسم کبھی سب سے اوپر کی منزل میں نماز باجماعت ادا کی جاتی ہے۔ اور کبھی بیچ والی منزل میں، کبھی نیچے کی منزل میں، ایک صاحب فرماتے ہیں، کہ صرف پہلی منزل میں جماعت و جمعہ ہونا چاہیے، اسی میں افضلیت ہے، دوسری اور تیسری منزل میں جماعت نہیں ہو سکتی لہٰذا آپ سے دریافت ہے کہ کیا شرعاً پہلی منزل کی کوئی خاص فضیلت و امتیاز ہے کہ اسی میں نماز پڑھی جائے یا تینوں منزلوں میں نماز یکساں ہو گی؟
_______________________________________________________________
مسجد کی تینوں منزلیں مساوی ہیں، ہر ایک منزل میں نماز جمعہ و جماعت یکساں ادا ہو گی ایک منزل کو دوسر ی پر کوئی فوقیت و فضیلت نہیں ہے۔ صحیح بخاری شریف میں ہے، حضرت ابو ہریرہ رضی اللہ عنہ نے مسجد کی چھت پر امام کے ساتھ نماز فرض ادا کی تھی۔ (مولانا) محمد یونس دہلوی ، اہل حدیث گزٹ دہلی جلد نمبر ۸ ش نمبر ۲۱)
