السلام عليكم ورحمة الله وبركاته
نماز پڑھتے ہوئے اگر دوسری مسجد سے اذان کی آواز آئے، تو رسول اﷲ صلی اللہ علیہ وسلم کے نام کے جواب میں درود بھیجنا چاہیے یا نہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
بظاہر نبی اکرم صلی اللہ علیہ وسلم پر درود پڑھنے کی مطلق احادیث کی بناء پر دورانِ نماز بھی آپ صلی اللہ علیہ وسلم کا اسم گرامی سُن کر درود پڑھنے کا جواز معلوم ہوتا ہے۔ سماع چاہے داخلی ہو یا خارجی اس سے کوئی فرق نہیں پڑتا۔ (واﷲ اعلم بالصواب و علمہ اتم)
ھذا ما عندي والله أعلم بالصواب
