السلام عليكم ورحمة الله وبركاته
غسل کرنے کا جو طریقہ حدیث شریف میں مذکور ہے اس کے مطابق پہلے وضوکرنا چاہیے۔ پھریہ حدیث شریف بھی ترمذی کے حوالے سے دیکھی ہے کہ رسول اﷲﷺ غسل کے بعد وضونہیں فرماتے تھے۔ صابن مَلتے وقت اگر ذَکَر یا دُبر کو ہاتھ لگ جائے، تو کیا غسل سے فراغت کے بعد دوبارہ وضوکرنا چاہیے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اگر کوئی شخص وضوکے بعد غسل کرے تو مسّ ذَکر(شرمگاہ کا چھونا) یا دُبر کی صورت میں دوبارہ وضوکرنا ہوگا۔ راجح مسلک یہی ہے۔ حدیث میں ہے:
’ مَن مَسَّ ذَکَرَهٗ فَلَا یُصَلِّی حَتّٰی یَتَوَضَّأَ۔‘ (رواه اُلخمسة) سنن الترمذی،رقم:۸۲، بَابُ الوُضُوء ِ مِنْ مَسِّ الذَّکَرِسنن النسائی،بَابُ الْوُضُوء ِ مِنْ مَسِّ الذَّکَرِ، رقم:۴۴۷
ھذا ما عندي والله أعلم بالصواب
