السلام عليكم ورحمة الله وبركاته
سردیوں یا گرمیوں میں مسجد کی ٹونٹیوں میں پانی کا پائب انتہائی شدید سرد یا گرم ہوتا ہے، ایک آدمی نے وضوکرنا ہو تو ایک لوٹے پانی کے لیے کثیر مقدار میں پانی بہا دینا جائز ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
حتی المقدور پانی ضائع کرنے سے بچنا چاہیے، امام بخاری رحمہ اللہ فرماتے ہیں:
’ وَ کَرهَ اَهلُ العِلمِ الاِسرَافَ فِیهِ۔‘
ہلال بن یساف نے کہا:
’ کَانَ یُقَالُ: مِنَ الوُضُوءِ اِسرَافٌ وَ لَو کُنتَ عَلٰی شَاطِیِٔ نَهرٍ۔‘ (فتح الباری:۱/ ۳۲۴)
یعنی ’’اہل علم نے وضومیں اِسراف (پانی زیادہ بہانے) کو ناپسند کیا ہے، خواہ آدمی نہر کے کنارے پر ہی کیوں نہ ہو۔‘‘
ھذا ما عندي والله أعلم بالصواب
