السلام عليكم ورحمة الله وبركاته
جب اذان ہو رہی ہو تو قضائے حاجت کے لیے جا سکتے ہیں کہ نہیں اور ننگے سَر اور ننگے پاؤں جانا جائز ہے کہ نہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
قضائے حاجت کی خاطر جب نماز کو مؤخر کیا جا سکتا ہے، تو بوقت ِ اذان بیت الخلاء جانے میں بھی کوئی حرج نہیں۔
دراصل یہ ہر آدمی کی ایک اضطراری حالت ہے جس کے لیے کوئی وقت مقرر نہیں۔ ’سُبحَانَ مَن تَنَزَّہَ عَنِ العَجزِ‘ نیز محل نجاست ننگے پاؤں جانے سے احتیاط کرنا چاہیے، کیونکہ طہارت و پاکیزگی عبادت کی قبولیت میں اوّلین شرط ہے۔ اور جہاں تک تعلق ہے ایسے مقامات میں ننگے سَر جانے کا، سو اس میں کوئی حرج معلوم نہیں ہوتا۔واﷲ أعلم بالصواب
ھذا ما عندي والله أعلم بالصواب
