السلام عليكم ورحمة الله وبركاته
زیر ناف بالوں کی صفائی کا کیا حکم ہے ؟ بال کہاں تک صاف کرنے چاہییں؟ کیا فضلہ کے مخرج کے گرد بال صاف کرنے جائز ہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
زیر ناف بالوں کا صاف کرنا ضروری ہے، شرمگاہ کے اوپر اور قرب و جوار سے صفائی کی جائے، اسی طرح عورت کی شرم گاہ کے گرد بالوں کی صفائی بھی ضروری ہے ۔ امام نووی فرماتے ہیں: آگے پیچھے اور ان کے گرد صفائی کرنامستحب ہے۔ اسی طرح فتح الباری میں ہے: دُبر کے گرد بالوں کو صاف کرنا جائز ہے۔(۱۰/۳۴۳)
لیکن امام شوکانی رحمہ اللہ فرماتے ہیں: دبر کے بالوں کی صفائی سنت سے ثابت نہیں۔(تفصیل کے لیے ملاحظہ ہو: نیل الاوطار:۱/۱۲۴)
ھذا ما عندي والله أعلم بالصواب
