السلام عليكم ورحمة الله وبركاته
بعض لوگ آیت سجدہ کی تلاوت چھوڑ دیتے ہیں تاکہ سجدہ نہ کرنا پڑے، کیا یہ درست ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
نبی اکرم صلی اللہ علیہ وسلم، صحابہ، تابعین اور ائمہ دین سے ایسا کرنا منقول نہیں۔ لہذا ایسا کرنا مسلمانوں کے طریقے کے خلاف ہے۔ اسی لیے بہت سے اسلاف نے ایسا کرنے کو ناپسند کیا ہے۔
اسی طرح صرف آیات سجدہ کی تلاوت کرنا تاکہ سجدہ کیا جائے، یہ بھی سلف صالحین کے طریقے کے خلاف ہے۔ المغنی ولیلہ الشرح الکبیر (356/2) میں فصل: ویکرہ اختصار السجود ملاحظہ کر لیں۔
ھذا ما عندي والله أعلم بالصواب
