ہیجڑا اور کسبی جو مال کسب حرام سے پیدا کرتے ہیں اگر اس مال سے مسجد بنادیں تو اس مسجد میں نماز پڑھنا جائز ہے یا نہیں؟

الجواب بعون الوهاب بشرط صحة السؤال

اس مسجد میں نماز جائز ہے ہاں بنانے والے کو ایسی مسجد بنانے کا کچھ ثواب نہیں۔

"ان الله طيب لا يقبل الا طيبا"(صحیح بخاری وغیرہ)[1]

"یقیناً اللہ تعالیٰ پاکیزہ ہے اور پاکیزہ ہی کو قبول  کرتاہے"(مشکوۃ شریف۔ص62 و63 چھاپہ دہلی فاروقی) میں ہے:

" قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : الْأَرْضُ كُلُّهَا مَسْجِدٌ إِلَّا الْمَقْبَرَةَ وَالْحَمَّامَ"[2](رواہ ابو داود والترمذی والدارمی)

ابو سعید خدری رضی اللہ تعالیٰ عنہ  کہتے ہیں کہ رسول اللہ صلی اللہ علیہ وسلم  نے فرمایا:"زمین ساری کی ساری مسجد ہے ،سوائے حمام اور مقبرہ کے۔

"عَنْ ابْنِ عُمَرَ رضي الله عنهما (أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ نَهَى أَنْ يُصَلَّى فِي سَبْعَةِ مَوَاطِنَ : فِي الْمَزْبَلَةِ ، وَالْمَجْزَرَةِ ، وَالْمَقْبَرَةِ ، وَقَارِعَةِ الطَّرِيقِ ، وَفِي الْحَمَّامِ ، وَفِي مَعَاطِنِ الْإِبِلِ ، وَفَوْقَ ظَهْرِ بَيْتِ اللَّهِ" [3](رواہ الترمذی وابن ماجه)

سیدنا عبداللہ بن عمر رضی اللہ تعالیٰ عنہ  سے روایت ہے فرماتے ہیں کہ رسول اللہ صلی اللہ علیہ وسلم  نے سات جگہوں میں نماز پڑھنے سے منع فرمایا:کوڑا کرکٹ پھینکنے کی جگہ مذبح(جانور ذبح کرنے کی جگہ) میں  ،قبرستان میں،عام راستے میں ،غسل خانے میں،اونٹوں کے باڑے میں اور بیت اللہ کی چھت پر۔

فتاویٰ علمائے حدیث

جلد 05