اگر کسی شخص کو کسی بیماری کی وجہ سے اور کسی وجہ سے روز یا ایک روز یا دو روز کے بعد حاجت غسل ہو، یعنی احتلام ہوتو وہ کیا کرے؟روز غسل کرے یا ناف کے نیچے دھو کر کپڑا بدل ڈالے؟فقط المستفتی محمد حسن پسر محمد علی ،ساکن امواء،ضلع مظفر پور۔
ہر روز غسل کرے۔ہاں اگر معذور ہوکہ مثلاً پانی نہ پائے یا بیماری کی وجہ سے غسل مضر ہوتو ایسی حالت میں بجائے غسل کے تیمم کرلے اور بدن میں جو آلائش لگی ہے اگر اس کو دھوسکتا ہوتو ضرور دھو ڈالے۔
اور اگر جنبی ہوتو غسل کرلو اور اگر تم بیمار ہو یا کسی سفر پر یا تم میں سے کوئی قضائے حاجت سے آیا ہو یاتم نے عورتوں سے مباشرت کی ہو، پھر کوئی پانی نہ پاؤ تو پاک مٹی کا قصد کرو،پس اس سے اپنے چہروں اور ہاتھوں پر مسح کرلو۔واللہ تعالیٰ اعلم۔
