السلام عليكم ورحمة الله وبركاته
میں آپ کو ایک کاغذ بھیج رہا ہوں اس پر مدینہ شریف کے شیخ احمد نے وصیت نامہ بھیجا ہے پڑھ کر بتائیں کہ آیا یہ صحیح ہے یا غلط۔ (سخاوت علی 38/DG ینگ پور اوکاڑہ)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
یہ وصیت نامہ بالکل جعلی اور جھوٹا ہے سعودی عرب کے بڑے بڑے مشائخ اس کی کئی بار تردید کر چکے ہیں شیخ ابن باز رحمۃ اللہ علیہ نے اسے بالکل غلط قرار دیا۔ اس نام کا مدینہ میں مسجد نبوی کے اندر کوئی آدمی نہیں لوگ اپنے غلط نظریات کا پرچار کرنے کے لئے کوئی نہ کوئی جعلی پوسٹر، وصیت نامہ وغیرہ شائع کر دیتے ہیں جس کی کوئی حیثیت نہیں ہوتی اصل دین کتاب و سنت ہے اپنے تمام مسائل کو ان پر پرکھیں اللہ تعالیٰ راہ صواب پر قائم رکھے۔ آمین
ھذا ما عندي والله أعلم بالصواب
