السلام عليكم ورحمة الله وبركاته
یادگاری تصاویر جمع کرنا جائز ہے یا ناجائز؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
کسی بھی مسلم مرد و عورت کے لیے کسی بھی ذی روح چیز کی یادگاری تصویر سنبھال کر رکھنا جائز نہیں، بلکہ ان کا ضائع کرنا ضروری ہے۔ نبی صلی اللہ علیہ وسلم نے حضرت علی رضی اللہ عنہ سے فرمایا تھا:
(لا تدع صورة إلا طمستها ولا قبراً مشرفاً إلا سويته) (صحیح مسلم)
’’ ہر تصویر کو مٹا دے اور ہر اونچی قبر کو برابر کر دے ۔‘‘
آپ صلی اللہ علیہ وسلم سے یہ بھی ثابت ہے کہ آپ نے گھر میں تصویر رکھنے سے منع فرمایا۔ آپ صلی اللہ علیہ وسلم فتح مکہ کے دن کعبۃ اللہ میں داخل ہوئے تو اس کی دیواروں پر تصویریں دیکھیں۔ آپ صلی اللہ علیہ وسلم نے پانی اور کپڑا منگوایا اور انہیں مٹا دیا۔ جہاں تک غیر جاندار اشیاء مثلا پہاڑ یا درخت وغیرہ کی تصاویر کا تعلق ہے تو ان میں کوئی حرج نہیں۔۔۔۔شیخ ابن باز۔۔۔
ھٰذا ما عندي والله أعلم بالصواب
