السلام عليكم ورحمة الله وبركاته
جن چیزوں کو سونے کا پانی لگایا گیا ہوتوان کے استعمال کا کیا حکم ہے'جیسے گھڑی'پین وغیرہ۔(فتاویٰ الامارات:125)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
یہاں ایک مسئلہ ہے اس میں تفریق کرنا ضروری ہے ۔اگر تو جس چیز کو رنگا گیا ہے،وہ تھوڑا سا ہو یعنی معمولی سا ہو پھر تو ان شاء اللہ تعالیٰ معاف کردے گا۔
دوسرا یہ کہ اگر اس چیز کو اس طریقہ سے رنگا گیا ہوکہ انسان کا ذہن دیکھنے کے ساتھ فوراً اس طرف جائے کہ شاید یہ چیز گھڑی وغیرہ ہے ہی سونے کی تو پھر بچنا چاہیے کہ جس طرح حدیث ہے:
" دَعْ مَا يَرِيبُكَ إِلَى مَا لَا يَرِيبُكَ"
جوچیز آپ کو شک میں ڈالتی ہے'اسے چھوڑدو اس کی طرف کہ جو شک میں نہ ڈالے۔
یعنی اس چیز کے استعمال سے بچے اگرچہ وہ چیز ذاتی طور پر حرام نہیں ہے۔
ھذا ما عندی والله اعلم بالصواب
