السلام عليكم ورحمة الله وبركاته
اللہ کے رسول صلی اللہ علیہ وسلم کا ارشاد مبارک ہے کہ ’’سحری کھایا کرو کہ سحری کھانے میں برکت ہے۔‘‘ سوال یہ ہے کہ سحری کی برکت سے کیا مراد ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
سحری کی برکت سے مراد شرعی برکت اور بدنی برکت دونوں شامل ہیں۔ شرعی برکت یہ ہے کہ اللہ کے رسول صلی اللہ علیہ وسلم کے حکم کو ماننا اور ان کی اقتدا کرنا۔ جہاں تک بدنی برکت کا تعلق ہے تو اس سے مراد بدن کو خوراک پہنچانا ہے جس سے روزہ کی حالت میں قوت ملتی رہے گی۔
ھذا ما عندي والله أعلم بالصواب
