السلام عليكم ورحمة الله وبركاته
تنفس(دمہ) وغیرہ کے مریض کے لیے روزہ کی حالت میں منہ میں بخاخ (اسپرے) استعمال کرنے کا کیا حکم ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
مریض اگر بخاخ(اسپرے) استعمال کرنے کے لیے مجبور ہوتو جائز ہے،اللہ تعالیٰ کا ارشاد ہے:
﴿وَقَد فَصَّلَ لَكُم ما حَرَّمَ عَلَيكُم إِلّا مَا اضطُرِرتُم إِلَيهِ... ﴿١١٩﴾... سورةالانعام
’’اور اللہ نے تمہارے لیے بیان کردیا ہے جو اس نے تم پر حرام کیا ہے،ہاں مگر وہ چیزیں جن کے لیے تم مجبور ہوجاؤ۔‘‘
اور اس لیے بھی بخاخ(اسپرے) کا استعمال جائز ہے کہ یہ کھانے پینے کے قبیل سے نہیں، بلکہ چیک اپ کے لیے خون نکلوانے اور غیر متعدی انجکشن لگوانے کے زیادہ مشابہ ہے۔
ھذا ما عندي والله أعلم بالصواب
