السلام عليكم ورحمة الله وبركاته
مرتھن ارض مرہونہ سے فائدہ حاصل کر سکتا ہے یا کہ نہیں؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
سواری اور لویری مرہون ہوں تو ان سے سواری اور دودھ والا فائدہ اٹھانا بعوض خرچہ کا تو نص میں ذکر موجود ہے’’رسول اللہﷺ نے فرمایا: گروی جانور پر اس کے خرچ کے بدل سواری کی جائے اسی طرح دودھ والے جانور کا جب وہ گروی ہو تو خرچ کے بدل اس کا دودھ پیا جائے اور جو کوئی سواری کرے یا دودھ پیے وہی اس کا خرچ اُٹھائے۔‘‘(بخاری۔کتاب الرہن۔باب الرہن مرکوب و محلوب) ان کے علاوہ اشیاء مرہونہ سے فائدہ اٹھایا جا سکتا ہے بشرطیکہ وہ فائدہ سود نہ بنے زمین مرہون ہو تو اس کا بھی یہی حکم ہے۔
ھذا ما عندي والله أعلم بالصواب
