السلام عليكم ورحمة الله وبركاته
کیا حائضہ کے لیے مسجد حرام میں داخل ہوناجائز ہے کہ نہیں؟ اورجب وہ دوران طواف خون حیض کو محسوس کرے تو وہ کیا کرے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
حائضہ کے لیے مسجد حرام میں داخل ہونا جائز نہیں ہے ہاں وہ اس میں صرف گزر سکتی ہے لیکن اس میں طواف سماع ذکر تسبیح و تہلیل کے لیے رکنا جائز نہیں ہے۔ اور جب وہ دوران طواف خون حیض کو اترتا ہوا محسوس کرے تو جب تک اس کو واضح طور پر حیض کے آجانے کا یقین نہ ہو جائے وہ اپنا طواف جاری رکھے پھر جب اسے یقین ہوجائے کہ اس کا حیض جاری ہوگیا ہے تو اس واجب ہے کہ وہ طواف کو چھوڑ کر لوٹ جائے اورپاک ہونے تک انتظار کرے۔ پس جب وہ پاک ہو جائے تو نئے سرے سے طواف شروع کرے۔ (فضیلۃ الشیخ محمد بن صالح العثیمین رحمۃ اللہ علیہ )
ھذا ما عندی والله اعلم بالصواب
