السلام عليكم ورحمة الله وبركاته
جب عورت حیض محسوس کرے اور غروب آفتاب سے پہلے خون جاری نہ ہو یا وہ اپنے معمول کے مطابق حیض کی درد محسوس کرے تو کیا اس دن کا اس کا روزہ درست ہو گا یا اس کو اس دن کی قضا دینا پڑے گی؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
جب روزے دار پاک عورت غروب آفتاب سے پہلے حیض کے شروع ہونے کو محسوس کرے لیکن خون حیض غروب آفتاب کے بعد جاری ہو یا وہ حیض کے شروع ہونے کی درد محسوس کرے لیکن خون سورج کے غروب ہونے کے بعد جاری ہو تو اس دن کا روزہ صحیح ہو گا اور اگر وہ فرض روزہ ہے تو اس کا اعادہ لازم نہیں ہو گا اور اگر وہ نفلی روزہ ہے تو اس کا ثواب باطل نہیں ہو گا۔ (فضیلۃ الشیخ محمد بن صالح العثیمین رحمۃ اللہ علیہ )
ھذا ما عندی والله اعلم بالصواب
