السلام عليكم ورحمة الله وبركاته
بعض عورتیں جب میت والوں کے گھر میں تعزیت کے لیے جاتی ہیں تو وہ چیخ و پکار کرتی ہیں اور ایسا کرکے تمام حاضرین کو رلادیتی ہیں کیا ان کا یہ عمل نوحہ میں شمار ہو گا؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
ہاں بلا شبہ یہ نوحہ سے ہے اور نبی صلی اللہ علیہ وسلم نے نوحہ کرنے والی اور سننے والی پر لعنت فرمائی لہٰذا اس عورت کے لیے یہ عمل حلال نہیں ہے اور میت والوں کو بھی یہ حلال نہیں ہے کہ وہ اس عورت کو ایسا کرنے کی اجازت دیں ان پر واجب ہے کہ جب وہ اس نوحہ والے عمل کو مسلسل جاری رکھے تو وہ اس کو گھر سے نکال دیں۔(فضیلۃ الشیخ محمد بن صالح العثیمین رحمۃ اللہ علیہ )
ھذا ما عندی والله اعلم بالصواب
