السلام عليكم ورحمة الله وبركاته
کیا اسلام میں وٹہ سٹہ کی شادی جائز ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
صحیح بخاری اور صحیح مسلم میں ہے ’’رسول اللہﷺنے نکاح شغار (نکاح وٹہ) سے منع فرمایا‘‘(بخاری۔کتاب النکاح۔باب الشغار)اور بعض احادیث میں یہ لفظ بھی آئے ہیں ’’اسلام میں شغار نہیں‘‘ صحیح بخاری میں عائشہ صدیقہ رضی اللہ عنہا کا بیان ہے کہ ’’اسلام نے لوگوں کے آج رائج نکاح کے علاوہ جاہلیت کے تمام نکاحوں کو ختم کر دیا‘‘ تو ان دلائل کی روشنی میں نکاح شغار نکاح باطل ہے۔
ھذا ما عندي والله أعلم بالصواب
