السلام عليكم ورحمة الله وبركاته
اگر سامنے اور قریب میں اجنبی لوگ موجود ہوں تو عورت نماز کیسے پڑھے جیسے کہ مسجد حرام وغیرہ میں ہوتا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اگر عورت کے قرب و جوار میں اجنبی اور غیر محرم لوگ موجود ہوں یا اس کے پاس سے گزرتے ہوں، جیسے کہ مسجد حرام وغیرہ میں ہوتا ہے، تو اسے چاہئے کہ اپنا سارا بدن، چہرہ، ہاتھ اور پاؤں سب چھپا لے۔ یہ محض نماز کے لیے نہیں ہے (بلکہ اجنبی لوگوں کی نظروں سے بچاؤ کے لیے ہے)۔ نماز کے لیے حجاب اور نظر دو علیحدہ علیحدہ مسئلے ہیں، ان کا آپس میں کوئی ربط نہیں ہے۔
ھذا ما عندي والله أعلم بالصواب
