السلام عليكم ورحمة الله وبركاته
کیا ایام مخصوصہ کے بعد طہارت کے وقت عورت کو اپنے کپڑے تبدیل کرنے ضروری ہیں جبکہ انہیں کوئی خون اور نجاست وغیرہ نہ لگی ہو؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
نہیں اسے لباس تبدیل کرنا ضروری نہیں ہے، کیونکہ حیض بدن کو پلید نہیں کرتا۔ بلکہ حیض کا خون جہاں لگے صرف وہ جگہ پلید ہوتی ہے۔ یہی وجہ ہے کہ آپ علیہ السلام نے عورتوں کو حکم دیا تھا کہ جب ان کے کپڑے کو حیض کا خون لگ جائے تو وہ اسے اچھی طرح دھو لیں اور پھر اس میں نماز پڑھیں۔‘‘ (صحیح بخاری،کتاب الوضوء،باب غسل الدم،حدیث:226وصحیح مسلم،کتاب الحیض،باب المستحاضة وغسلھا وصلاتھا،حدیث:333سنن ابی داود،کتاب الطہارۃ،باب من روی ان الحیضة اذا ادبرت لا تدع الصلاۃ،حدیث:282وسنن الترمذی،ابواب الطہارۃ،باب المستحاضة،حدیث:125۔)
ھذا ما عندي والله أعلم بالصواب
