السلام عليكم ورحمة الله وبركاته
ایک خاتون نے اپنے شوہر کی وفات کے بعد چار ماہ دس دن عدت پوری کی ہے، مگر بھولے سے دو دن زیادہ ہو گئے ہیں، تو کیا اس سے کوئی حرج تو نہیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اس زیادتی کا کوئی حرج نہیں۔ جب عدت پوری ہو گئی تو وہ پابندیوں سے بھی آزاد ہو گئی۔ تاہم عدت اور احداد کے ایام میں اضافہ کرنا جائز نہیں ہے۔ مگر جو بھول جائے اسے معاف ہے۔ اللہ تعالیٰ کا فرمان ہے:
﴿رَبَّنا لا تُؤاخِذنا إِن نَسينا أَو أَخطَأنا...﴿٢٨٦﴾... سورة البقرة
’’اے ہمارے رب! اگر ہم بھول جائیں یا غلطی کر جائیں تو اس پر ہمارا مواخذہ نہ کر۔‘‘
ھذا ما عندي والله أعلم بالصواب
