السلام عليكم ورحمة الله وبركاته
ایک عورت اپنے شوہر سے علیحدہ ہوئی اور ابھی وہ عدت میں ہے کہ اسے ایک آدمی نے نکاح کا پیغام دیا ہے، اور وہ اسے خرچ بھی دے رہاہے، تو کیا یہ عمل جائز ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
جو عورت اپنے ایام عدت میں ہو اسے صراحت کے ساتھ نکاح کا پیغام دینا جائز نہیں ہے، خواہ وہ وفات کی عدت میں کیوں نہ ہو، اور اس ہر مسلمانوں کا اتفاق و اجماع ہے، تو عدت طلاق میں بطریق اولیٰ جائز نہیں۔ اور جس نے ایسے کیا ہے، چاہئے کہ اسے سزا دی جائے تاکہ اس سے دوسروں کو عبرت اور نصیحت ہو۔ ایسے مرد اور مخطوبہ عورت دونوں کو سزا دی جانی چاہئے اور اسے اس عورت سے نکاح سے روک دیا جائے، تاکہ اسے اپنے مطلب کے برعکس سزا ہو۔
ھذا ما عندي والله أعلم بالصواب
