السلام عليكم ورحمة الله وبركاته
ایسی گولیاں استعمال کرنے کا کیا حکم ہے جو ماہانہ ایام روکنے کا باعث ہوتی ہے اور مقصد یہ ہو کہ رمضان کے روزے لوگوں کے ساتھ رکھے جا سکیں؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
میں ان سے بچنے اور پرہیز کرنے کی تلقین کرتا ہوں۔ مجھے ڈاکٹروں سے معلوم ہوا ہے کہ ان گولیوں سے عورت کی صحت پر بہت برا اثر پڑتا ہے۔ چونکہ ماہانہ نظام ایک ایسا فطری عمل ہے جو اللہ عزوجل نے حوا کی بیٹیوں پر مقدر فرمایا ہوا ہے، لہذا اس خاتون کو چاہئے کہ اللہ کے لکھے پر قناعت کرے، جب مانع نہ ہو روزے رکھے، اور جب یہ شرعی رکاوٹ آ جائے تو روزے چھوڑ دے اور اللہ کی تقدیر پر رضامندی کا اظہار کرے۔
ھذا ما عندي والله أعلم بالصواب
